Проверете дали сте на списокот: утре прекин на водата во делови од Центар и Карпош

Дел од корисниците во општините Центар и Карпош утре, 15 октомври, четврток, ќе останат без вода поради работни зафати на водоводната мрежа и уличен дефект, известуваат од ЈКП „Водовод и канализација“.

— реклама —

— реклама —

Во општина Центар, поради поврзување на старата со новата водоводна мрежа на улицата Мирослав Крлежа б.б., од цевка со пречник од 400 милиметри на цевка од 200 милиметри, од 8:30 часот ќе има прекин во водоснабдувањето кај дел од корисниците на улицата Мирослав Крлежа, потегот од булеварот „Партизански одреди“ до улицата „Орце Николов“. Прекинот ќе трае до завршување на работните активности.

— реклама —

Во општина Карпош, поради уличен дефект на водоводна цевка со пречник од 100 милиметри на улицата Прашка бр. 50, од 9 часот без вода ќе бидат корисниците на улицата Прашка, улицата Дамска, дел од улицата Букурешка, како и гимназијата и основното училиште „Нова“.