Жителите на неколку улици во скопската општина Центар утре ќе останат без вода поради дефект на водоводната мрежа, информираат од ЈП „Водовод и канализација“.
Поради уличен дефект на водоводна цевка со пречник од 80 милиметри на крстосницата меѓу улиците „Аминта Трети“ и „Антоние Грубишиќ“, прекин во водоснабдувањето од 9:00 часот ќе имаат дел од корисниците на улиците „Аминта Трети“, „Антоние Грубишиќ“, „Пиринска“ и „Чедомир Миндеровиќ“.
Од јавното претпријатие информираат дека водоснабдувањето ќе биде нормализирано по завршувањето на санацијата на дефектот.
