Жител на скопското село Ласкарци бил лишен од слобода откако, според пријава, пукал со пиштол за време на семејна веселба.
Од Министерството за внатрешни работи информираат дека на 28 јуни во 16:20 часот, полициски службеници од СВР Скопје во селото Ласкарци го привеле Р.С. (48) од истото село.
Полициската интервенција следувала по претходна пријава дека за време на семејна веселба тој употребил огнено оружје и пукал од пиштол.
По целосно документирање на случајот, против него ќе биде поднесен соодветен поднесок.
