Пукале од оружје на семејна веселба во Лажани, две лица приведени

Две лица од селото Лажани, општина Долнени, беа лишени од слобода откако за време на семејна веселба пукале од огнено оружје, соопшти Министерството за внатрешни работи.

— реклама —

Настанот се случил на 2 јануари 2026 година околу 09:30 часот, кога полициски службеници од Полициското одделение Ропотово интервенирале во селото Лажани. Според официјалните информации, М.С. (36) управувал патничко возило „фиат хрома“ со прилепски регистарски ознаки, а С.Б. (29) управувал „мерцедес“ со германски национални ознаки. Двајцата биле дел од колона возила организирана по повод семејна прослава, при што од нивните возила биле испукани повеќе куршуми.

— реклама —

— реклама —

При полициската интервенција, од М.С. бил одземен гасен пиштол марка „Reaty Eagle“ со 40 куршуми калибар 9 милиметри, додека од С.Б. бил одземен гасен пиштол марка „Walther“ со 12 куршуми од ист калибар.

За случајот бил известен надлежен јавен обвинител, а по целосно документирање на настанот против двете лица ќе биде поднесена соодветна кривична пријава.