Пукање сред бел ден во Арачиново: куршуми од „пасат“ завршија во ветробран на „голф“

Инцидент со огнено оружје бил пријавен вчера попладне во Арачиново. Како што информираат од полицијата, на 19.01.2026 година околу 20:00 часот во СВР Скопје, О.Ј.(33) од село Черкези, кумановско, пријавил дека околу 17:20 часот, додека се движел низ село Арачиново, од возило во движење „фолксваген пасат“ биле испукани неколку истрели.

— реклама —

— реклама —

Притоа, било оштетено ветробранското стакло од патничкото возило „фолксваген голф“ со кумановски регистарски ознаки, кое го управувал пријавителот. Во инцидентот нема пријавени повредени лица.

— реклама —

Од Министерството за внатрешни работи информираат дека се преземаат мерки и активности за целосно расчистување на случајот и за утврдување на идентитетот на сторителите.