Пукање во скопско Шишево: Едно лице е повредено, напаѓачот му е сограѓанин

Жител на скопското село Шишево е приведен откако, според пријава до полицијата, пукал со пиштол кон сограѓанин и му нанел повреда во пределот на увото.

— реклама —

Од Министерството за внатрешни работи информираат дека денеска полициски службеници од Полициската станица Ѓорче Петров го лишиле од слобода Г.А. (43) од село Шишево.

— реклама —

„Денеска (06.06.2026) полициски службеници од ПС Ѓорче Петров го лишија од слобода Г.А. (43) од с. Шишево, скопско, постапувајќи по пријава околу 16:10 часот од И.Ш. од с. Шишево, дека Г.А. пукал со пиштол кон него на влезот во с. Шишево и му нанел повреда во пределот на увото“, соопштија од МВР за Скопје1.

Според пријавеното, И.Ш. бил пресретнат од Г.А. и С.А., двајцата од истото село, по што Г.А. извадил пиштол и испукал кон него.

— реклама —

Од полицијата велат дека се преземаат мерки за целосно расчистување на случајот.

— реклама —

„По целосно расчистување на случајот, ќе биде поднесена соодветна пријава“, наведуваат од МВР.