Пуштен во употреба реконструираниот аеродром „Свети апостол Павле“ во Охрид

Охридскиот аеродром „Свети апостол Павле“ денеска свечено ја промовираше обновената терминална зграда, по реконструкцијата што започна во март годинава. Станува збор за прва поголема реконструкција на аеродромот по 56 години.

— реклама —

Вицепремиерот и министер за транспорт Александар Николоски изјави дека со реконструкцијата аеродромот добива практично нова терминална зграда и помошни простории, што треба да овозможат подобро искуство за патниците.

— реклама —

Аеродромот годинава бележи рекорден број патници. Од почетокот на годината досега се опслужени повеќе од 240 илјади патници, а очекувањата се дека до крајот на годината бројот ќе достигне околу 4 милиони.

— реклама —

Во обновената зграда се поставени и реплики на мозаици од стариот дел на Охрид, како и реплики на фрески од катедралната црква „Света Софија“.

— реклама —

Паралелно со обновата на аеродромот продолжува и развојот на патната инфраструктура во регионот, а Николоски најави дека најтешката делница од автопатот треба да биде отворена во следните месеци, додека целиот автопат се очекува да биде завршен во првата половина од следната година.