Путин и Трамп повторно разговараа: Познато барањето на Трамп и одговорот на Путин

Рускиот претседател Владимир Путин и американскиот претседател Доналд Трамп денеска одржаа едночасовен телефонски разговор, чија главна тема била војната во Украина.

— реклама —

Според советникот на Путин за надворешна политика, Јуриј Ушаков, разговорот бил „конструктивен и многу искрен“, а двајцата лидери разговарале и за неодамнешната посета на американските пратеници Стив Виткоф и Џаред Кушнер во Москва.

— реклама —

Ушаков изјави дека Трамп за време на разговорот јасно се заложил за што побрзо завршување на војната.

„Доналд Трамп јасно ја поддржа идејата за брзо завршување на конфликтот, што веднаш би отворило далекусежни можности за целосна обнова на односите меѓу САД и Русија“, рече Ушаков.

— реклама —

Од своја страна, Путин му ја претставил на американскиот претседател руската визија за состојбата на фронтот, вклучувајќи го напредувањето на руските сили и остварувањето на поставените цели во Украина.

Според Кремљ, двајцата претседатели се договориле да останат во редовен контакт и повторно да разговараат кога ќе биде потребно.