Рускиот претседател Владимир Путин му го честиташе Денот на независноста на американскиот претседател Доналд Трамп по повод 250-годишнината од основањето на Соединетите Американски Држави, нагласувајќи ја долгогодишната соработка меѓу двете земји.
Во честитката, објавена од руското Министерство за надворешни работи, Путин истакна дека потпишувањето на Декларацијата за независност не само што го означило почетокот на американската држава, туку претставувало и значајна пресвртница во светската историја.
Тој потсети дека Русија, тогаш под царска власт, ги поддржала северноамериканските колонии во нивната борба за независност од британската власт.
„Во нашата 250-годишна историја има многу славни страници. Бевме сојузници во двете светски војни, заедно го ослободивме човештвото од ужасите на нацизмот и одигравме клучна улога во поставувањето на темелите на современиот светски поредок“, напиша Путин.
Тој додаде дека Русија и Соединетите Американски Држави, како две најголеми нуклеарни сили, имаат посебна одговорност за зачувување на глобалната безбедност и стабилност.
На крајот од честитката, Путин му посака на Трамп и на неговото семејство здравје, благосостојба и успех, а на американските граѓани среќа и просперитет.
