Путин најави нови руски ракети што ќе ја надминат секоја одбрана

Рускиот претседател Владимир Путин изјави дека Русија ќе продолжи да развива ракетни системи способни да ги надвладеат сите постојни и идни системи за противракетна одбрана.

— реклама —

Путин тоа го изјави на состанок во Московскиот институт за термичка техника, каде што се развиени неколку руски стратешки нуклеарни ракетни системи.

— реклама —

„Ќе продолжиме да ги модернизираме и развиваме нашите стратешки нуклеарни сили и да создаваме ракетни системи со подобрени борбени способности“, рече Путин.

Тој потсети дека Русија од почетокот на 2000-тите развила повеќе напредни оружени системи откако САД се повлекоа од Договорот за антибалистички ракети, што Москва го сметаше за закана за стратешката рамнотежа.

— реклама —

Меѓу системите што ги спомена се хиперсоничниот „Авангард“, ракетата „Кинжал“, подводниот дрон „Посејдон“ и крстосувачката ракета „Буревестник“.

— реклама —

Путин претходно изјави и дека Русија развила нуклеарни способности „без конкуренција во светот“, посочувајќи ја интерконтиненталната балистичка ракета РС-28 „Сармат“ како клучен дел од новиот руски арсенал.