При изведување градежни работи во атарот на гостиварското село Симница била пронајдена експлозивна направа, информираат од Министерството за внатрешни работи.
Според информациите, на 23 јуни во 17:10 часот во СВР Тетово, вработени во компанијата „Бехтел и Енка“ пријавиле дека при изведување градежни ископи наишле на експлозивна направа.
По пријавата, увид на местото извршиле полициски службеници од ОВР Гостивар.
Од МВР информираат дека во текот на денот експлозивната направа ќе биде безбедно подигната од пиротехничар од Дирекцијата за заштита и спасување.
