Работник на ЕВН почина додека извршувал работни задачи во кривопаланечко

52-годишен вработен во ЕВН од Крива Паланка починал додека извршувал работни задачи во атарот на селото Огут, информираат од Министерството за внатрешни работи.

— реклама —

Случајот бил пријавен на 16 јуни во 13:00 часот во ОВР Крива Паланка од Јавната здравствена установа во градот, откако на местото викано „Пољана“ било пронајдено починато лице.

— реклама —

По преземените мерки било утврдено дека станува збор за С.Ј. (52) од Крива Паланка, вработен во ЕВН, кој починал за време на извршување на работните обврски.

— реклама —

Лекар констатирал смрт, а по наредба на јавен обвинител телото на починатиот е предадено на обдукција во Судска медицина, со цел да се утврдат точните причини за смртта.

— реклама —

Увид на местото извршила увидна екипа на ОВР Крива Паланка, а надлежните институции работат на целосно расчистување на случајот.