Работник на „Комуналец“ Гостивар загина при чистење канал кај Горно Јеловце

Шеесет и четиригодишен вработен во ЈП „Комуналец“ Гостивар го загубил животот при извршување работни задачи во атарот на селото Горно Јеловце, информираат од СВР Тетово.

— реклама —

Според полицијата, на 15 јуни во 12:47 часот било пријавено дека во канал за вода се наоѓа починато лице. Полициски службеници веднаш излегле на местото и утврдиле дека станува збор за Н.М. (64) од селото Дебреше, вработен во ЈП „Комуналец“ Гостивар.

— реклама —

Според првичните информации, тој заедно со свои колеги дошол да го исчисти каналот на локација каде што имало одводни канали за прибирање на проточни води. Во текот на работата, се заглавил во еден од каналите.

— реклама —

Од каналот бил извлечен од екипа на Територијалната противпожарна единица Гостивар, но лекар од Итната медицинска помош констатирал смрт.

— реклама —

На местото на настанот излегол и трудов инспектор, а увид извршиле екипа од ОВР Гостивар и јавен обвинител. По наредба на обвинителот, телото на починатиот е предадено на обдукција, додека надлежните институции продолжуваат со утврдување на сите околности поврзани со случајот.