Ранети три деца во пукање во финско училиште: Осомниичениот малолетник е уапсен

Три деца се ранети во пукање во училиште во градот Ванта, Финска, соопшти полицијата.

— реклама —

Полицијата соопшти дека реагирала на инцидентот во училиштето пред 9 часот во вторник и ги повикала локалните жители да останат во своите домови.

— реклама —

Осомничениот, за кој исто така се верува дека е малолетник, е уапсен, јавува Би-Би-Си.

Училиштето во кое се пукало има 800 ученици и околу 90 вработени. Очевидци за јавниот сервис Ила изјавија дека две возила на брза помош го напуштиле местото на настанот.

— реклама —

Полицијата соопшти дека се ранети тројца малолетници.

Училиштето го посетуваат ученици на возраст од седум до 15 години, на возраст од основно и средно училиште. Како и во другите фински училишта, децата штотуку се вратија на настава по долгиот велигденски викенд.