Вишиот суд во Белград, како што неофицијално пренесуваат српските медиуми, го прифатил предлогот на Вишото јавно обвинителство и одредил притвор за А. Р., еден од првите осомничени за ширење, како што наведуваат властите, невистинити информации во врска со наводната употреба на „звучен топ“, како и распишување потерница по него, пишува Б92.
Претходно, Вишото јавно обвинителство во Белград соопшти дека А. Р. на 24 јуни 2026 година ја напуштил територијата на Србија. Поради тоа, обвинителството побарало од судијата за претходна постапка при Вишиот суд во Белград да му одреди притвор, наведувајќи дека се наоѓа во бегство во странство и дека постои опасност во краток временски период да го повтори кривичното дело.
Обвинителството, исто така, побарало судот да нареди распишување потерница по осомничениот.
