Разбојништво во спортска обложувалница во Тетово, напаѓачот се заканувал со остар предмет

Полицијата во Тетово презема мерки за пронаоѓање на лице кое со закана одзело пари од спортска обложувалница во градот.

— реклама —

Според информациите од СВР Тетово, на 8 јуни во 02:00 часот, во полиција случајот го пријавил 38-годишниот Г.С. од Тетово, вработен во спортска обложувалница лоцирана на улицата „Илинденска“.

— реклама —

Според пријавата, едно лице со закана со остар предмет одзело пари од дневниот промет на обложувалницата, по што се оддалечило од местото на настанот.

— реклама —

Од полицијата информираат дека се преземаат активности за идентификација и пронаоѓање на сторителот, како и за целосно расчистување на случајот.

— реклама —

За настанот е известен јавен обвинител, а по неговото документирање ќе следуваат соодветни законски мерки.