Најмалку двајца Палестинци се убиени, а 14 се повредени во нови израелски напади врз Појасот Газа во последните 48 часа, соопшти Министерството за здравство во енклавата.
Со најновите жртви, бројот на загинати Палестинци од стапувањето на сила на прекинот на огнот во октомври минатата година достигнал 1.262, додека 4.168 лица биле повредени. Податоците ги пренесува палестинската новинска агенција WAFA.
Од почетокот на војната, во октомври 2023 година, во Газа, според истите податоци, загинале најмалку 73.391 лице, а 174.280 биле повредени.
Медицинските извори наведуваат дека дел од жртвите сè уште се наоѓаат под урнатините или на патиштата, додека спасувачките екипи не можат да стигнат до сите погодени подрачја.
