Рекордна излезност, тесна трка: први бројки од изборите во Унгарија

Според унгарскиот портал Индекс, пристигнаа првите резултати од парламентарните избори во Унгарија, иако обработката на гласовите засега е на ниско ниво.

— реклама —

Според податоците на Националната изборна канцеларија, при обработени 2,86 отсто од гласовите, води коалицијата Фидес-КДНП со 48,18 проценти, додека опозициската Тиса има 43,38 проценти.

— реклама —

Следуваат Ми Хазанк со 6,12 проценти, додека останатите партии засега се под еден процент.

Во однос на распределбата на мандати, при 6,56 проценти обработени гласови, Тиса води со вкупно 110 пратеници (39 листи и 71 во едномандатни единици), додека Фидес-КДНП има 71 мандат (45 листи и 26 поединечни).

— реклама —

Изборите веќе влегоа во историјата по рекордната излезност – до 18:30 часот гласале 77,80 проценти од избирачите, што е значително повеќе од досегашниот рекорд од 73,51 проценти, поставен во 2002 година.

Резултатите сè уште се прелиминарни и се очекува значајни промени како што ќе напредува пребројувањето.