Републиканците објавија извештај за Епстин: Тврдат дека Трамп не бил вмешан во мрежата за трговија со луѓе

Републиканците во Комитетот за надзор на Претставничкиот дом на САД го објавија конечниот извештај од 15-месечната истрага за Џефри Епстин, неговите злосторства и постапувањето на федералните институции. Во документот се наведува дека претседателот Доналд Трамп не бил вмешан во мрежата за трговија со луѓе, а одговорноста за долгогодишната злоупотреба на девојки и млади жени се поврзува со пропустите на полицијата и федералните обвинители.

— реклама —

Извештајот на 136 страници го критикува и Министерството за правда поради несоодветното и хаотично објавување на таканаречените досиеја на Епстин. Меѓу препораките се овозможување пристап на жртвите до нивните лични досиеја, повторно испитување на клучни сведоци и жртви, како и построга контрола за спречување судир на интереси.

— реклама —

Претседателот на Комитетот, Џејмс Комер, изјави дека Епстин со години дејствувал без казна благодарение на моќните врски и правосудниот систем, кој ги изневерил неговите жртви. Во текот на истрагата биле испитани и личности од неговиот деловен и општествен круг, меѓу кои Бил и Хилари Клинтон, Бил Гејтс, како и поранешната државна обвинителка Пем Бонди.

— реклама —

Демократите го критикуваа извештајот, оценувајќи дека истрагата е нецелосна и дека не биле одржани јавни сослушувања за случајот. Тие најавуваат дека ќе продолжат со истрагата во новиот состав на Конгресот и бараат именување специјален обвинител кој би ја испитал можната поврзаност на Трамп со злосторствата на Епстин.

— реклама —

Трамп ги отфрла обвинувањата за поврзаност со неговите злосторства, тврдејќи дека одамна ги прекинал односите со Епстин.