Промени тема
Контакт
Најнова епизода Сведоштва за полициско шамарање во Охрид: Едниот натепан на паркинг, малолетник во нива | Претрес Гледај на LANDOV.MK

Ревизија на Клиниката за торакална и васкуларна хирургија: Лекови без соодветна евиденција, спорни набавки и ненаплатени побарувања

Скопје1.мк's avatar
Автор: Скопје1.мк

објавено пред 4 месеци -

Македонија
media-library58qjfn3sqj966fc92fG

Конечниот ревизорски извештај на Државниот завод за ревизија (ДЗР) за работењето на Јавната здравствена установа – Универзитетска клиника за торакална и васкуларна хирургија за 2024 година откри повеќе слабости во финансиското работење, јавните набавки, управувањето со залихите и организацијата на здравствените услуги.

— реклама —

Ревизорите констатирале дека на Клиниката не било воспоставено навремено и ажурно евидентирање на потрошувачката на лекови и медицински материјали во сметководствената и материјалната евиденција. Воедно, дел од медицинските материјали биле набавувани и пред склучување на договорите, со образложение дека било потребно да се обезбеди непречено функционирање на здравствените услуги.

Во извештајот се посочува и дека во установата не е формирана болничка аптека, иако според законските прописи таа треба да биде задолжена за управување со лековите и медицинските материјали.

— реклама —

Државната ревизија утврдила неправилности и во дел од постапките за јавни набавки, при што не биле целосно почитувани законските процедури. Дополнително, дел од побарувањата на Клиниката се постари од три години, што, според ревизорите, ја доведува во прашање нивната наплата. Констатирани се и разлики меѓу пресметаната и реално наплатената партиципација за извршените здравствени услуги.

— реклама —

Посебен акцент во извештајот е ставен на големиот број итни прегледи. Според наодите, дури 66 проценти од сите реализирани прегледи биле извршени со итни упати или без претходно закажан термин, што значително отстапува од предвидениот начин на функционирање на системот „Мој термин“.

Ревизорите оценуваат дека ваквата практика создава дополнително оптоварување на Клиниката, што може да влијае врз планирањето на работниот процес, користењето на расположливите капацитети и достапноста на здравствените услуги за пациентите.

— реклама —

За надминување на утврдените слабости, Државниот завод за ревизија доставил осум препораки до Универзитетската клиника за торакална и васкуларна хирургија, со цел да се подобрат финансиското работење, организацијата и управувањето со установата.

Сподели

Сподели
Сподели
Сподели
Сподели
Сподели
Сподели
Сподели како слика

Поврзани содржини

media-library07onr88bjom3eNdr1kb

Недостиг од кадар, пропуштени тестирања и слаба заштита: Ревизија алармира за ИТ безбедноста во ФЗО

Македонија | пред 2 дена

— реклама —
Agencija-za-vrabotuvanje

Само двајца информатичари за седум работни места, ДЗР откри сериозни слабости во сајбер-безбедноста на Агенцијата за вработување

Македонија | пред 4 дена

media-libraryi1u3ojj2417q7pRe5zm

Железницата тоне во загуби, ревизорите открија неправилности и застарени пруги - Транспорт бара да реагира Обвинителството

Македонија | пред 2 седмици

media-library5jh3mqsj7lv294cRqkz

Само 9 од 62 локомотиви во функција, загубите на ЖРСМ Транспорт достигнуваат над 109 милиони евра

Македонија | пред 2 седмици

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Дознај ексклузивно и прв

Прв ќе ги дознаваш ударните и вонредните случувања