Од 31.03.2026 до 04.04.2026 година, ќе се изведуваат градежни активности за „Рехабилитација на Регионален пат Р1102, делница Велес – Градско“. Во наведениот период, во временскиот интервал од 07:00 до 19:00 часот ќе биде воспоставен изменет режим на сообраќај, информираат од Агенцијата за мрежи и патишта.
Сообраќајот на државните патишта засега се одвива непречено, со локално влажни коловози, а интензитетот надвор од градските средини е умерен. На граничните премини од македонска страна не се бележат подолги задржувања за влез или излез од државата.
АМСМ апелира до возачите на патиштата да ја прилагодат брзината на движење според условите, да ја почитуваат поставената сообраќајна сигнализација и внимателно да управуваат со возилата, особено на делниците низ котлините, речните долини и клисурите, каде постои можност за одрони.
Се потсетува дека патниот правец Охрид – Ресен преку националниот парк Галичица е затворен за сообраќај за сите видови возила од 21.11.2025 до 31.03.2026 година.
