Полицијата во Скопје постапува по необична пријава поднесена од 54-годишна жена, која тврди дека нејзините родители не ѝ дозволувале да го напушти семејниот дом.
Од Министерството за внатрешни работи соопштија дека пријавата била примена вчера околу 16:30 часот во СВР Скопје.
Според наводите на жената, инцидентот се случил на 2 јули во семејниот дом на подрачјето на Општина Центар, каде што, како што тврди, нејзините родители ѝ го ограничиле движењето и не ѝ дозволиле да излезе.
Надлежните полициски служби работат на утврдување на сите факти и околности поврзани со случајот. Засега од МВР не соопштуваат повеќе детали за причините што довеле до пријавата.
