Вистинска драма се одвивала денеска во центарот на Крагуевац, кога ротвајлер нападнал дете во близина на поштата, пренесуваат српските медиуми.
Според информациите, инцидентот се случил околу 11 часот, кога група граѓани панично повикувала полиција на помош. Полициските службеници кои пристигнале на местото затекнале ротвајлер, за кој присутните тврделе дека бил агресивен и нападнал неколку лица.
Граѓаните изјавиле дека во тој момент покрај местото минувала група деца од градинка, при што кучето повлекло едно дете за ногавица. За среќа, детето не било повредено.
Полицијата веднаш реагирала и го фатила кучето, по што го презела службата за зоохигиена на јавното комунално претпријатие „Шумадија“.
Од Полициската управа Крагуевац соопштиле дека се утврдува кој е сопственик на кучето, како и сите околности поврзани со случајот.
