Рубио по американските напади: Договорот со Иран ќе биде постигнат

Американскиот државен секретар Марко Рубио изјави дека администрацијата на претседателот Доналд Трамп и понатаму е посветена на постигнување мировен договор со Иран, и покрај новите американски напади врз ирански цели во текот на ноќта.

Рубио порача дека Вашингтон верува оти договорот е блиску и дека преговорите продолжуваат.

— реклама —

„Мислам дека постои силно усогласување и согласност околу тоа како треба да изгледа прелиминарниот нацрт“, изјави Рубио.

— реклама —

Тој додаде дека, како и кај секој сложен договор, ќе бидат потребни уште неколку дена за усогласување на деталите, вклучително и околу формулациите во текстот.

„Тоа ќе потрае уште неколку дена, дури и кога станува збор за договор околу еден збор или реченица“, рече Рубио.

— реклама —

Сепак, нагласи дека очекува договорот на крајот да биде постигнат.

— реклама —

Американскиот претседател Доналд Трамп претходно тврдеше дека договорот со Техеран „во голема мера веќе е испреговаран“, но во текот на викендот ја ублажи таа изјава.

Изјавите на Рубио доаѓаат по новите американски напади врз ирански цели во близина на Ормутскиот теснец, што дополнително ги зголеми тензиите на Блискиот Исток и предизвика стравувања дека мировните преговори би можеле да пропаднат.