Рубио по масовниот напад врз Киев: Оваа војна мора да заврши

Марко Рубио изјави дека САД и натаму се подготвени да посредуваат во конфликтот меѓу Русија и Украина, по масовната руска офанзива врз Киев.

— реклама —

„САД се подготвени и сакаат да направат сѐ што е во нивна моќ за да помогнат оваа војна да заврши и се надеваме дека ќе се појави можност за тоа“, изјавил Рубио за време на официјална посета на Индија, по телефонски разговор со рускиот министер за надворешни работи Сергеј Лавров.

— реклама —

Во саботата навечер, во масовен воздушен напад врз Киев и околината загинале најмалку четири лица.

„Секогаш кога ќе видите вакви големи напади од двете страни, тоа е потсетник зошто ова е ужасна војна... и таа мора да заврши“, порача Рубио.

— реклама —

Во меѓувреме, Москва ги повикала странските државјани кои живеат во Киев, вклучително и дипломатскиот персонал, да го напуштат градот пред нови руски напади насочени кон „центри за донесување одлуки“ и „воено-индустриски комплекси“.

— реклама —

Рубио изјавил дека Русија ги предупредила „сите амбасади“, а не само американската.