Русија го ослободи американскиот затвореник Роберт Гилман, Трамп потврди дека немало размена

Американскиот претседател Доналд Трамп соопшти дека Русија се согласила да го ослободи американскиот државјанин Роберт Гилман, поранешен американски маринец кој од 2022 година се наоѓаше во затвор во Русија.

— реклама —

Според американски претставници, Гилман бил ослободен откако рускиот претседател Владимир Путин одобрил негово помилување поради нарушената здравствена состојба. Американската администрација претходно бараше Москва да го ослободи 32-годишниот Гилман за да може да се лекува во САД.

„Ја цениме оваа одлука и фактот што Русија не бараше ништо за возврат – немаше никаква размена“, напиша Трамп на Truth Social.

— реклама —

Гилман бил затворен во Воронеж, околу 550 километри јужно од Москва, а точните детали за неговата здравствена состојба не се објавени.

— реклама —

Американски претставници соопштија дека Гилман денеска со авион на Стејт департментот патува од Русија кон аеродромот „Вашингтон Далес“.

Гилман бил припадник на американските маринци од август 2019 до август 2020 година. Бил уапсен во Воронеж во јануари 2022 година, додека патувал со воз. Според руските државни медиуми, бил приведен под обвинение дека удрил полицаец додека бил под дејство на алкохол.

— реклама —

Тој бил осуден на четири и пол години затвор и бил еден од најмалку десетмина Американци за кои се знае дека биле затворени во Русија.