Русија подготвува хибридни напади врз земји на НАТО? Расте загриженоста во Европа

Земји од источното крило на НАТО предупредуваат дека Русија би можела да подготвува провокации насочени кон балтичките држави или Полска, со цел да го тестира единството на Алијансата, објави „Гардијан“.

— реклама —

Летонската разузнавачка служба соопшти дека постојат индиции оти Москва подготвува можни воени провокации против балтичките земји или Полска, но нагласи дека не станува збор за подготовка на целосен воен напад.

Слични предупредувања, според британскиот весник, доаѓаат и од други членки на НАТО, чии извори тврдат дека рускиот претседател Владимир Путин би можел да се обиде да ја тестира поддршката на САД кон помалите членки на Алијансата – Естонија, Летонија и Литванија.

— реклама —

Полскиот премиер Доналд Туск изјави дека ситуацијата е „многу нестабилна“ и дека во наредните недели и месеци може да се очекуваат различни форми на ескалација.

— реклама —

Според летонската разузнавачка служба, Русија во моментов нема капацитет да отвори нов фронт, но би можела да се одлучи за хибридни напади, како што се ракетни напади или напади со беспилотни летала, со цел да испрати порака до западните земји да ја намалат поддршката за Украина.

Експертот за Русија од институтот „Чатам Хаус“, Кир Џајлс, оценува дека Москва ќе бара начини да ја промени моменталната состојба на фронтот во Украина, вклучително и преку можно проширување на конфликтот или отворање нови точки на притисок.

— реклама —

Загриженоста доаѓа во време кога Украина интензивира напади со беспилотни летала врз цели длабоко на руска територија, вклучително и во близина на Москва и Санкт Петербург, што дополнително го зголемува ризикот од можна ескалација на конфликтот.