Руте го претстави НАТО 3.0

Марк Руте денес го претстави концептот „НАТО 3.0“, кој го опиша како визија за „посилна Европа во посилен НАТО“, нагласувајќи дека трансатлантскиот сојуз останува цврсто поврзан со Соединетите Американски Држави.

— реклама —

Говорејќи по состанокот на Букурештанската деветка, Руте изјави дека Русија и понатаму е „најзначајната и најдиректната закана“ за Алијансата поради војната во Украина.

„Не смееме да го спуштиме гардот. Секогаш ќе направиме сè што е потребно за да го одбраниме секој сантиметар од територијата на НАТО“, порача Руте.

— реклама —

Тој истакна дека европските членки треба да преземат поголема одговорност за конвенционалната одбрана, додека САД ќе продолжат да обезбедуваат нуклеарна и воена поддршка.

— реклама —

Руте повторно го пофали Доналд Трамп за притисокот врз сојузниците да ги зголемат трошоците за одбрана и посочи дека некои членки веќе планираат да ја надминат целта од пет проценти издвојувања за одбрана пред 2035 година.

Осврнувајќи се на војната во Украина, генералниот секретар на НАТО изјави дека „топката е во дворот“ на рускиот претседател Владимир Путин.

— реклама —

„Тој мора да учествува во мировните преговори. Сè уште не го прави тоа“, рече Руте.