Руте: Земјите членки на НАТО веќе издвојуваат околу 4 проценти од БДП за одбрана

Генералниот секретар на НАТО, Марк Руте, изјави дека европските членки на Алијансата и Канада веќе ги зголемиле издвојувањата за одбрана на околу четири проценти од нивниот бруто-домашен производ.

— реклама —

Обраќајќи им се на новинарите во пресрет на Самитот на НАТО во Анкара, Руте истакна дека европските сојузници и Канада минатата година потрошиле речиси 20 проценти повеќе за основната одбрана во споредба со претходната година.

— реклама —

„Ако се земат предвид 2025 и 2026 година заедно, тоа претставува дополнителни инвестиции од 258 милијарди долари, а трендот продолжува“, рече Руте.

На минатогодишниот Самит на НАТО, земјите членки се договорија до 2035 година вкупните трошоци за одбрана да достигнат пет проценти од БДП. Од тоа, 3,5 проценти се наменети за основни одбранбени инвестиции, а дополнителни 1,5 проценти за активности поврзани со безбедноста.

— реклама —

Руте изрази очекување дека на самитот во Анкара земјите ќе претстават јасни, конкретни и веродостојни планови за исполнување на оваа цел.

— реклама —

Тој најави и дека членките на НАТО на форумот со одбранбената индустрија ќе објават нови договори вредни десетици милијарди долари.