Сѐ е подготвено: В понеделник стартува 48. Илинденскиот коњички марш кон Крушево

Градоначалникот на Општина Аеродром, Дејан Митески, во паркот „Авионче“ присуствуваше на последните подготовки на учесниците на 48. традиционален Илинденски коњички марш, кој и годинава ќе тргне кон Крушево во чест на Илинден.

— реклама —

Како што објави Митески на социјалните мрежи, тој се сретнал со учесниците на маршот и им изразил благодарност за нивната посветеност и за тоа што во голем број ја продолжуваат оваа долгогодишна традиција.

— реклама —

— реклама —

„Ми беше особено драго што се запознав со овие посветени луѓе и им изразив искрена благодарност што и оваа година, во толку голем број, ја продолжуваат оваа значајна традиција“, напиша Митески.

Тој истакна дека е горд што Општина Аеродром и населбата Горно Лисиче повторно се почетната точка на маршот кон славното Крушево, нагласувајќи дека на тој начин достоинствено се негува споменот на илинденците и се чува духот на македонската историја.