Соединетите Американски Држави денес го прославуваат Денот на независноста – 4 јули, национален празник што годинава се одбележува во знакот на големиот јубилеј, 250 години од прогласувањето на независноста.
Токму на 4 јули 1776 година, тринаесетте британски колонии во Северна Америка ја усвоија Декларацијата за независност, со што официјално го започнаа патот кон создавање на Соединетите Американски Држави како самостојна држава.
Неколку години подоцна, во 1787 година, беше усвоен и американскиот Устав, кој ги постави темелите на државното уредување и воспостави систем на поделба на власта меѓу извршната, законодавната и судската власт.
Прославите низ САД и оваа година се одржуваат во свечена атмосфера, со паради, концерти, културни манифестации и семејни собири. Во вечерните часови, традиционално, небото над бројни американски градови ќе биде осветлено со големи огномети, кои претставуваат симбол на Денот на независноста.
