САД ја откажаа воената вежба со Јужна Кореја поради војната во Иран

САД ја откажаа заедничката амфибиска воена вежба со Јужна Кореја, планирана за следниот месец, поради ограничената достапност на американските сили ангажирани во војната во Иран, соопшти јужнокорејската војска.

Од јужнокорејскиот марински корпус информираа дека Вашингтон уште во јуни официјално ги известил дека учеството на американските сили во планираната вежба ќе биде ограничено. Во моментов се водат разговори меѓу двете страни за тоа како ќе продолжат воените вежби.

— реклама —

Засега не е соопштено дали и на кој начин откажаната вежба би можела дополнително да биде реализирана, ниту пак кои мерки би можеле да бидат преземени за да се избегнат слични откажувања во иднина.

— реклама —

Одлуката доаѓа само неколку дена откако американскиот претседател Доналд Трамп нареди намалување на обемот на американското учество во друга редовна заедничка воена вежба со Јужна Кореја, која заврши минатиот петок.

Трамп тогаш како причини ги наведе трошоците за одржување на вежбите, но и одбивањето на Сеул да учествува во војната во Иран. На својата платформа Truth Social тој оцени дека вежбата „Ulchi Freedom Shield“ испратила несоодветна и непријателска порака до Северна Кореја, за која смета дека повеќе не претставува закана за САД.

— реклама —

Во меѓувреме, Пјонгјанг минатата недела истрела десет балистички ракети со краток дострел и остро ги осуди заедничките воени активности на Вашингтон и Сеул.

— реклама —

Северна Кореја со години ги смета заедничките американско-јужнокорејски воени вежби за подготовка за можна инвазија, што дополнително ги зголемува тензиите на Корејскиот Полуостров.