САД ја засилуваат офанзивата: Уништени бродови, напади врз десетици цели во Иран

Соединетите Американски Држави во последните 72 часа погодиле речиси 200 цели во Иран, а потопиле и повеќе од 30 ирански бродови, соопштија американски претставници во најновите изјави за текот на воената операција.

— реклама —

Адмиралот Бред Купер од Централната команда на САД информираше дека американските бомбардери извршиле серија напади врз бројни воени цели, додека американските сили продолжуваат со интензивни операции против иранските капацитети.

Американскиот министер за одбрана Пит Хегсет изјави дека САД располагаат со доволно муниција и дека можат да ја продолжат воената кампања против Иран онолку долго колку што ќе биде потребно. Според него, во наредниот период значително ќе се зголеми и огнената моќ над иранскиот воздушен простор.

— реклама —

Хегсет додаде дека во операцијата се вклучиле и неколку сојузници на САД, нагласувајќи дека конфликтот не се проширува, туку дека земјите се обединуваат против Иран.

— реклама —

Американскиот претседател Доналд Трамп, пак, изјави дека Иран наводно контактирал со Вашингтон со барање за договор, но дека САД во овој момент не се подготвени за таков чекор.

„Тие се јавуваат и бараат договор, но ние сега сакаме да се бориме повеќе отколку што тие сакаат“, изјави Трамп.

— реклама —

Тој додаде дека американските сили „секој час“ ги напаѓаат иранските системи за беспилотни летала и ракети, тврдејќи дека воената кампања против Иран се одвива побрзо од планираното.