Американскиот претседател Доналд Трамп најави дека САД наскоро ќе отворат воена база во Полска, при што ја пофали соработката со полскиот претседател Карол Навроцки.
„Одлични вести! Благодарение на храброто лидерство на мојот пријател, полскиот претседател Карол Навроцки, постигнат е голем напредок кон воспоставување база на американската војска во Полска“, напиша Трамп на својата социјална мрежа Truth Social.
Објавата набрзо ја сподели и Белата куќа на својот официјален профил на мрежата X.
Најавата доаѓа во период кога се објавуваат информации дека САД планираат да го намалат бројот на американски војници распоредени во Германија. Дел од тие сили би требало да го зајакнат источното крило на НАТО во соседна Полска.
