САД тајно спровеле околу 70 трговски бродови низ Ормутскиот Теснец

Американските вооружени сили во изминатите недели помогнале десетици трговски бродови безбедно да поминат низ блокираниот Ормутски теснец, објави „Њујорк тајмс“, повикувајќи се на неименувани американски претставници.

— реклама —

Според информациите, Централната команда на САД (ЦЕНТКОМ) во последните три недели придружувала околу 70 трговски бродови низ еден од најважните светски поморски коридори. Поголемиот дел од пловилата ги исклучиле своите транспондери, односно системите за електронско следење, со цел да избегнат да бидат откриени од иранските сили.

— реклама —

Американските власти не откриваат какви бродови биле вклучени во операциите ниту по кои рути се движеле. Поморските аналитичари сметаат дека пловидбата најверојатно се одвивала поблиску до територијалните води на Оман, а подалеку од иранскиот брег, каде што ризикот од напад е значително поголем.

— реклама —

Пред почетокот на конфликтот низ Ормутскиот теснец дневно поминуваа повеќе од 100 трговски бродови. Поради тајноста на операциите и исклучените системи за следење, засега не може независно да се потврди точниот број на пловила што успешно ја поминале рутата.

— реклама —

Ормутскиот теснец е еден од најважните светски енергетски коридори, преку кој се транспортира значителен дел од глобалната нафта и природен гас.