САД воведуваат царини од 50 отсто за канадски производи, Карни бара разговори со Трамп

Трговските тензии меѓу САД и Канада дополнително се заоструваат откако Белата куќа објави воведување царини од 50 отсто за широк спектар канадски производи, кои опфаќаат увоз вреден околу 20 милијарди американски долари.

— реклама —

Американскиот трговски претставник Џејмисон Грир соопшти дека новите царини ќе стапат во сила на 19 август, односно 30 дена по потпишувањето на указот од претседателот Доналд Трамп.

— реклама —

Од Вашингтон наведуваат дека мерката е одговор на, како што ја оценуваат, дискриминаторската и неоправдана царинска политика на Канада, со цел да се подобрат условите за извоз на автомобили произведени во Соединетите Американски Држави.

Ова е најнов потег во трговскиот спор меѓу двете соседни земји, при што администрацијата на Трамп и во вториот претседателски мандат продолжува да ги користи царините како главен инструмент во трговската политика.

— реклама —

Канадскиот премиер Марк Карни реагираше дека станува збор за уште една еднострана мерка на САД, која, според него, претставува прекршување на Договорот меѓу САД, Мексико и Канада.

— реклама —

Тој истакна дека Отава останува отворена за дијалог и го повика американскиот претседател Доналд Трамп на дополнителни разговори за надминување на спорот, додавајќи дека Канада веќе доставила конкретни предлози за негово решавање и е подготвена да ги интензивира преговорите со американската администрација.