Сакала да внесе дрога во „Идризово“ скриена во јајца – осомничена 25-годишна жена

Основното јавно обвинителство Скопје отвори истражна постапка против 25-годишна жена осомничена за неовластено производство и пуштање во промет наркотични дроги, психотропни супстанции и прекурсори.

Според обвинителството, таа на 20 мај се обидела да внесе марихуана и кокаин во КПУ Затвор Идризово, додека била во посета на нејзиниот сопруг кој издржува затворска казна.

— реклама —

„Однела две табли во кои визуелно изгледало дека се спакувани вкупно 60 јајца, но при проверка на скенер и при рачна проверка, било утврдено дека 28 од нив содржат пакувања дрога“, соопшти обвинителството.

— реклама —

Според информациите, во јајцата биле пронајдени:

318,62 грама марихуана
142,2 грама кокаин

— реклама —

Од обвинителството наведуваат дека поради тежината на делото, опасноста од бегство и ризикот од повторување на делото, бил предложен притвор.

— реклама —

Сепак, имајќи предвид дека осомничената е мајка на малолетни деца, меѓу кои и петмесечно бебе, јавниот обвинител предложил мерка куќен притвор.

Предлогот е доставен до судијата на претходна постапка.