Сарказам или порака? Трамп коментира можен наследник на Хаменеи

Претседателот на Соединетите Американски Држави, Доналд Трамп, изјави дека во американските напади „исчезнал голем дел“ од иранското раководство и дека на Иран му била нанесена „огромна штета“.

— реклама —

Во телефонски разговор за Еј-Би-Си њуз, Трамп рече: „Не знаеме сè, но знаеме дека многумина исчезнаа“. Тој додаде дека САД имаат „многу добра претстава“ за тоа кои би можеле да бидат новите ирански лидери.

— реклама —

— реклама —

Во одвоено интервју за Ен-Би-Си њуз, на прашањето кој би можел да го наследи врховниот лидер Али Хаменеи, Трамп одговори: „Не знам, но во еден момент ќе ме повикаат да ме прашаат кого би сакал јас“. Потоа појасни дека станува збор за сарказам. „Само малку се шегувам кога го велам тоа“, додаде американскиот претседател.

Изјавите доаѓаат во момент на висока неизвесност околу судбината на дел од иранското раководство, по серијата американско-израелски напади врз цели во земјата. Од Техеран засега нема официјална потврда за наводите за загуби во врвот на власта.