Шасивари и Османи: Законот за употреба на јазиците мора доследно да се спроведува во сите институции

Доследната примена на Законот за употреба на јазиците и унапредувањето на институционалната соработка биле во фокусот на работната средба меѓу министерот за правда Јетон Шасивари и директорот на Агенцијата за примена на јазикот, Гранит Османи.

— реклама —

На средбата било истакнато дека целосното спроведување на Законот претставува законска обврска и важен предуслов за владеење на правото, правната сигурност и обезбедување еднаков пристап на граѓаните до институциите.

— реклама —

Министерот Шасивари ја потврдил определбата на Министерството за правда за јакнење на институционалните механизми што ќе обезбедат почитување на законските одредби и гарантирање на јазичните права на граѓаните.

— реклама —

Директорот Османи посочил дека Агенцијата за примена на јазикот обезбедува стручна и практична поддршка за државните институции при спроведувањето на Законот за употреба на јазиците, преку насоки, препораки и експертска помош. Тој нагласил дека Агенцијата работи на унапредување на службената употреба на албанскиот јазик, кој го зборуваат најмалку 20 проценти од граѓаните, како право утврдено со закон.

— реклама —

Соговорниците се согласиле дека во наредниот период ќе се продлабочи институционалната соработка, координацијата и заедничките активности со цел поефикасна и доследна примена на Законот за употреба на јазиците во сите државни институции.