ОСМАНИ

Османи од Брисел: Европскиот пат е блокиран, Охридскиот договор се урива

Од соопштение на ДУИ се наведува дека потпретседателот на ДУИ, Бујар Османи, реализира дводневна работна посета на Брисел, каде што одржува средби со високи претставници на европските институции и Европскиот парламент.Според соопштението од ДУИ, Османи во текот на првиот ден се сретнал со претставници од Европската служба за надворешна акција (EEAS) и Европската комисија, како и со европратеници вклучени во процесите на проширување на ЕУ.Во вториот ден, според соопштението од ДУИ, тој продолжува со средби во Европскиот парламент со повеќе европратеници и претставници на институциите на ЕУ.Како што се наведува во соопштението од ДУИ, во разговорите било истакнато дека европскиот пат на земјата е блокиран, како и дека постои сериозна загриженост во однос на Охридскиот рамковен договор и неговото спроведување.Според истото соопштение од ДУИ, Османи предупредил на, како што навел, ризици за стабилноста и потреба од зачувување на договорот како основа за меѓуетничките односи.Во соопштението од ДУИ се додава дека европската интеграција бара и внатрешни политички одлуки, но и посилна поддршка од европските партнери.

Македонија | пред 1 седмица

Политички тензии: Османи тврди дека се подготвува план за укинување на Законот за јазици

Поранешниот министер и функционер на ДУИ, Бујар Османи, обвини дека постои континуирана и, како што рече, „добро осмислена политика“ за поткопување на Законот за употреба на јазиците.Османи тврди дека уште во минатото пратениците на ВМРО-ДПМНЕ се обиделе физички да го спречат донесувањето на законот, а подоцна истиот бил оспорен пред Уставниот суд.Според него, по доаѓањето на власт, ВМРО-ДПМНЕ ја „инструментализирало“ Уставен суд на Република Македонија со цел, како што вели, да се затвори ова прашање.Тој посочи дека се прават институционални чекори кои, според него, водат кон слабеење на примената на албанскиот јазик, вклучително и, како што наведе, намалување на надлежностите на инспекторатот, маргинализирање на агенциите и отстранување на јазикот од официјални документи и ознаки.Османи предупреди дека, како што рече, се подготвува наратив за измена на клучните одредби од законот, оценувајќи дека станува збор за долгорочен и координиран процес.Во обраќањето, тој повика на обединување и поддршка за студентите кои протестираат, нагласувајќи дека прашањето за јазикот ги надминува партиските разлики.„Јазикот не е на никого поединечно, туку е резултат на генерациска борба. Денес треба да бидеме заедно – не само Албанците, туку сите граѓани кои сакаат еднаква и европска држава“, порача Османи.

Македонија | пред 1 месец

Османи: Околу 250 илјади граѓани имаат бугарски пасоши и индивидуално уживаат во правата на ЕУ

Поранешниот министер за надворешни работи и потпретседател на ДУИ, Бујар Османи во статус напишан на албански и англиски јазик и објавен на Фејсбук, ја обвини ВМРО-ДПМНЕ за поткопување на процесот на интеграција на Македонија во Европската Унија, наведувајќи три главни причини кои, според него, го одржуваат овој курс стабилен. Но, и објави тврдење дека околу 250 илјади македонски граѓани поседуваат бугарски  пасош.„Постојат три причини кои дејствуваат истовремено и го прават овој курс стабилен“, објави Османи.Според него, првата причина е поврзана со надворешното влијание.„Оваа влада е формирана со поддршка на европска политичка елита скептична кон ЕУ, позната како канал на руско влијание во рамките на Унијата. Оваа поддршка нема за цел да ја забрза интеграцијата, туку да ја ослабне и релативизира на Балканот“, нагласува тој.Како втор фактор, Османи го спомена недостатокот на внатрешна политичка противтежа.„Албанскиот фактор историски бил гаранција за евроатлантската ориентација. Денес, со заробена и бестежинска репрезентативност како ВЛЕН, оваа противтежа недостасува. За првпат, нема вистински отпор кон овој курс“, посочува Османи.Во меѓувреме, третата причина е поврзана со однесувањето на електоратот.„Околу 250 илјади граѓани добија бугарски пасоши и индивидуално уживаат во правата на ЕУ. Тие ги имаат придобивките, без да бидат заинтересирани за трошоците за реформите. Кога електоратот ќе го добие „морковот“, тој не бара „стап“, смета екс-министерот.Како заклучок, Османи оценува дека сегашната ситуација не е случајна.„Во оваа комбинација – притисок однадвор, вакуум одвнатре и недостаток на притисок од долу – блокадата на интеграцијата не е случајна. Тоа е резултат на нова политичка рамнотежа“, заклучува поранешниот шеф на македонската дипломатија.

Македонија | пред 1 месец

Бујар Османи ја поздрави двојазичната богослужба во Ростуше како чин на соживот

Ексминистерот за надворешни работи Бујар Османи со порака за соживот и меѓусебна почит реагираше по одржувањето на двојазичната богослужба во Ростуше, истакнувајќи дека токму искрените и тивки гестови се оние што ги приближуваат луѓето и градат мостови меѓу заедниците.Османи ја употреби поговорката „Тивката вода го рони брегот“, нагласувајќи дека вистинските промени и вистинското приближување не се постигнуваат со гласни декларации, туку со конкретни дела што носат суштинска порака. Според него, двојазичната богослужба е пример за таков чин – едноставен по форма, но длабок по значење.Тој упати посебни честитки до албанскиот амбасадор Мејдани и до претставникот на Македонската православна црква – Охридска архиепископија, Партениј, оценувајќи дека нивната заедничка иницијатива во Ростуше испрати силна порака за почит, разбирање и заедничко живеење.На крајот, Османи упати и срдечни честитки до сите православни верници, посакувајќи им мир, здравје и благосостојба во нивните семејства, потенцирајќи дека вистинскиот соживот се живее и се докажува преку дела, а не преку зборови.

Коментари | пред 3 месеци

Османи: Во Чаир има општонароден отпор кон Мицкоски, по изборите ќе преговараме за заедничко владеење

Кандидатот за градпначалник на Чаир, Бујар Османи, самиот најави преговори за влез на ДУИ во Влада, иако власта е децидна дека за нив нема место на „Илинденска“. Османи го нападна премиерот Христијан Мицкоски, обвинувајќи дека испраќал пораки преку посредници, а друго зборел во јавност, но и дека Албанците имале општонароден отпор кон него.„Веднаш по изборите, победниците кај Албанците ќе седнат да преговараат, никој нема да ги земе. Ќе седнеме да преогвараме за заедничко владеење, за да се откочат преговорите со ЕУ...“, рече Османи.Тој посочи дека гледал фрустрации кај Албанците, нагласувајќи дека Мицкоски им допира по нервите.„Ја слушнав изјавата на владините претставници кои рекоа дека нема да има парламентарни избори. Тоа е знак на страв и паника, обид да се плашат луѓето со 'еве остануваме во Влада, ќе имате проблеми ако не гласате за нас'. Премиерот знае дека соодносот е 3:1, ги правем анкетите. Меѓутоа тоа што ми пречи е што премиерот продолжува да дава двојни пораки, едни за јавност, други преку посредници. Со порака до нас, дека по изборите треба Владата да се реконфигурира. Ние враќаме и јавно и преку посредниците дека ја поминува црвената линија. Нема поголема навреда од тоа да му кажете на албанскиот народ 'едни ќе земам, други ќе оставам'. Не знам дали тоа го прави свесно или не е свесен кој нерв го допира кај Албанците. Таква навреда дека премиерот ќе земе некои Албанци, ќе извади некои Албанци, има допрено до сржта на достинството. Јас ја гледам фрустрацијата. Во Чаир има општонароден отпор кон него“, рече Бујар Османи.„Сме му кажале дека веднаш по изборите, победниците кај Албанците ќе седнат и ќе преговараат, никој нема да ги земе. Ова не е ничија држава и Влада, за некој да ги земе, а некој да ги извади Албанците“, додаде тојк

Македонија | пред 7 месеци

„Албанците не се алиби за криминал“, му вратија на Османи од ВМРО-ДПМНЕ

По изјавите на кандидатот за градоначалник на Чаир, Бујар Османи, во кои тој ја обвини Владата за маргинализација на Албанците, стигна реакција од ВМРО-ДПМНЕ во која се нагласува дека станува збор за стара политичка тактика на Демократската унија за интеграција (ДУИ).„Кога нема пари и функции, тогаш започнува врескањето: ‘нема правда за сите’, ‘Албанците се на удар’. Во превод: кога нема тендери и рекет, тогаш одеднаш стануваат заштитници на Албанците и на меѓуетничките односи“, се наведува во реакцијата на ВМРО-ДПМНЕ.Од партијата нагласуваат дека Албанците не се загрозени, туку единствено загрозени се „милионските шеми и криминалните комбинации на ДУИ“.„Албанците заслужуваат правда исто како и Македонците и секој друг граѓанин на оваа држава. Тие не се штит кој ќе ве спаси од одговорност, ниту алиби за вашите тендери, провизии и лични богатства“, велат од ВМРО-ДПМНЕ.Во реакцијата дополнително се истакнува дека времето на двојни стандарди завршило и дека ДУИ мора да се соочи со одговорност за, како што велат, „ограбувањето и осиромашувањето на Македонија“.

Македонија | пред 8 месеци

Османи во трка по гласови со националистичка реторика, користејќи обвинувања за маргинализација на Албанците

Кандидатот за градоначалник на Чаир, Бујар Османи, остро ја обвини новата влада предводена од ВМРО-ДПМНЕ и ЗНАМ за, како што рече, системска политика насочена кон маргинализација и потиснување на Албанците од сите општествени текови.„Владата на ВМРО и ЗНАМ, предводена од Христијан Мицкоски, во полн интензитет ја спроведува политиката која треба да ги отстрани Албанците од општествените текови, враќајќи ги на периферните позиции од пред Рамковниот договор“, изјави Османи.Тој го обвини Мицкоски за длабока нетолеранција кон Албанците, што, според него, се гледа и во личниот однос и во институционалните поставувања, од изборот на најблиските соработници во Владата, до работните групи и делегациите за клучни посети.Османи како особено понижување го наведе фактот дека ресорот за Охридскиот рамковен договор му бил доверен на, како што го нарече, „Српскиот свет во земјава“. Тој предупреди и на серија чекори кои, според него, ја потврдуваат оваа политика – укинувањето на Балансерот, маргинализирањето на Бадентеровиот механизам и намалувањето на застапеноста на Албанците во Централната банка и финансиските институции.„Овие механизми – Бадентер, Балансер, јазична застапеност – се заштита од мајоризација, а токму тие се најголема пречка за радикалната националистичка политика на Мицкоски и неговата влада“, нагласи Османи.Тој се осврна и на улогата на институции како Уставниот суд, ДИК и Централната банка, кои, според него, делуваат како „прокси играчи“ на новата власт. Особено, Османи оцени дека учеството на остатоците од ВЛЕН во Владата е „бедно“, бидејќи тие биле маргинализирани и натерани да играат улога на поданици.Во своето обраќање Османи порача дека овие избори ќе бидат „референдум за достоинството и еднаквоста на Албанците“.„Ова не е повеќе обична политичка битка, ова е историски миг во кој Албанците мора да одлучат дали ќе прифатат повторно да бидат неми набљудувачи или ќе застанат за своето достоинство и еднаквост“, изјави Османи.Тој додаде дека Албанците нема да се откажат од европската перспектива на земјата и ќе се спротивстават на секој обид за приближување кон, како што рече, „српскиот свет и кинеско-руските прегратки“.„Не сфаќаат зошто овие избори се историски за Албанците. Но наскоро ќе им се разјасни“, заклучи Османи.

Македонија | пред 8 месеци

Османи најмил „светска куќа“ и остава телефонски број по граѓани, за да дојде до градоначалничката функција во Чаир

Ексминситерот и актуелен кандидат за градоначалник на Чаир, Бујар Османи, речиси секојдневно одржува прес-конференции и преку објави се промовира пред престојните локални избори, иако кампањата не е започната. На новинарско прашање, тој рече дека ова не е забрането.„Јас мислам дека ова е период кога треба да се разговара со граѓаните на Чаир, мислам дека визијата за новиот Чаир бара почести контакти. Освен светска куќа за нов изглед, јас тропам од врата на врата, давам телефонски број. Врвна светска куќа комбинирана со проблемите на граѓаните. Ја вклучивме светската експертиза“, рече Бујар Османи.

Скопје | пред 8 месеци

Чаир како политичко боиште: Министер против поранешен министер

Изјавата на министерот за надворешни работи Тимчо Муцунски во врска со кандидатурата на Бујар Османи за градоначалник на Чаир, предизвика остра политичка полемика во јавноста.Муцунски, во интервју за ТВ Канал 5, оцени дека Османи со својата кампања и последните изјави испратил „опасни наративи“ кои, според него, повикуваат на редефинирање на државата и загрозување на нејзиниот унитарен карактер. Министерот вели дека се работи за концепт кој „отвора теми за автономија во одлучувањето“ и можност за „држава во држава“.– Ова не се наративи на 21-ви век, туку ехо од 19 и 20 век. Македонија е унитарна држава, членка на НАТО, и нема да дозволиме никакви повици за федерализација или конфедерализација. Ќе преземеме проактивни мерки против ваквите обиди – рече Муцунски.Тој упати критика и кон „оние кои со години се претставуваа како Европејци“, но, според него, се покажало дека една кампања за локални избори била доволна за да се активираат ретроградни идеи.Муцунски потенцираше дека верува во соживот и истакна дека сите етнички заедници во државата имаат заедничка цел – европска иднина, инвестиции и стабилност, но притоа остро ги осуди политичките пораки кои, според него, го подриваат тој курс.Поранешниот министер за надворешни работи и кандидат на ДУИ за градоначалник на Чаир, Бујар Османи, реагираше преку социјалните мрежи, обвинувајќи го Муцунски за „неразумни потези“ и „опасно неразбирање“ на суштината на Охридскиот рамковен договор.– Охридскиот договор не го загрозува унитарниот карактер, туку го моделира во функционална мултиетничка демократија. Бадентеровото мнозинство, Балансерот, јазичната еднаквост и децентрализацијата не се закана – туку гаранција за стабилност – порача Османи.Според него, непризнавањето на Охридскиот договор е директен удар врз темелите на државата, кои, како што вели, не се само внатрешен консензус, туку и меѓународно прифатен модел од партнери како САД и ЕУ.– Во време кога државата треба да се обедини околу европската агенда, изјави како на Муцунски отвораат непотребен етнички фронт. Тоа не е патот напред – предупреди Османи.Тој својата реакција ја заокружи со порака дека „Охрид, исто како и Преспа и Договорот со Бугарија, не се проблеми, туку решенија“, алудирајќи дека мултиетничкиот баланс и договорите се темелот врз кој се гради иднината на државата.

Македонија | пред 9 месеци

Орел, албанско знаме, без збор за Македонија - албанскиот премиер се шета низ Скопје со ДУИ, Таравари го пофали дека ја носи Европа до Балканот

Во екот на подготовките за претстојните локални избори, албанскиот премиер Еди Рама се појави во Скопје, каде што, наместо вообичаени дипломатски средби, реши да прошета низ Старата скопска чаршија во друштво на функционери на ДУИ и Арбен Таравари. Иако нема најави за официјални состаноци, посетата на Рама предизвика сериозно внимание на социјалните мрежи и во политичките кругови.На една од објавените фотографии, Рама напиша: „🦅Te Çarshia e Vjetër e Shkupit❤️🇦🇱“ — што во превод значи „Во Старата чаршија на Скопје“. На сликата нема македонско знаме, туку само албанско, а се гледа во друштво на ексминистерот за надворешни работи, Бујар Османи, како и со поддржувачи и граѓани, од кои некои се фотографирале, еден од нив облечени во албанска народна носија.[caption id="attachment_341823" align="alignnone" width="679"] Screenshot[/caption]Неговиот престој доаѓа во чувствителен политички момент, кога албанскиот политички блок е во фаза на престројување пред изборите. Иако без официјална агенда, симболиката на посетата и изборот на локација оставаат простор за политичка интерпретација.Засега нема потврда дали Еди Рама ќе се сретне со државни функционери или ќе одржи јавен настап, но неговата прошетка со претставници на ДУИ низ срцето на Скопје остава силна политичка порака.Со фотографии од нивната заедничка дружба, се јави и Османи, кој напиша „Премиерот на европска Албанија ја донесе духот на еднаквоста и европската иднина во срцето на Скопје, во Чаир!“.[caption id="attachment_341825" align="alignnone" width="688"] Screenshot[/caption]Објава на социјалните мрежи има и Арбен Таравари, лидер на едно од крилата на Алијанса на Албанците.„Со премиерот кој ја носи Европа толку блиску до Балканот“, напиша тој со фотографијата.[caption id="attachment_341827" align="alignnone" width="678"] Screenshot[/caption]

Македонија | пред 10 месеци

Најчевска: Бујар Османи мора да одговара за велепредавство – време е Македонија да постави услови кон Бугарија

Професорката по право Мирјана Најчевска вели дека е време „да се залечат раните кои ѝ беа нанесени на Македонија од страна на Бујар Османи“, обвинувајќи го поранешниот министер за надворешни работи дека направил чекори кои донеле тешки последици по државата.Според неа, првиот неопходен чекор е во Собранието да се отвори расправа за вториот протокол со Бугарија, со цел да се побараат измени.„Бујар Османи мора да одговара за велепредавство или, во најмала мера, за злоупотреба на службена должност со која нанел трајни и многу тешки штетни последици за државата“, наведува Најчевска.Во својот јавен став, таа повикува државата да заземе поинаков пристап кон односите со Софија, поставувајќи јасни услови и барања.„Македонија треба да почне да поставува барања и услови во насока на доказ за добрите намери на Бугарија и нејзината посветеност на добрососедските односи“, вели таа.Меѓу тие услови, Најчевска ги издвојува:Извинување од Бугарија за злосторствата направени за време на фашистичката окупација во Втората светска војна.Репарација на штетите нанесени на Македонија во тој период.Заштита на правата на Македонците во Бугарија и надомест на штетите направени преку непочитување на меѓународни договори и вредности на Европската Унија.Според неа, само преку вакви конкретни чекори може да се врати достоинството на македонската држава и да се воспостави правична основа за било какви добрососедски односи.

Коментари | пред 10 месеци

„Дали Бујар Османи го презеде лидерското место во ДУИ, а Али Ахмети се повлече? Живеете во свет на корупција“, велат од ВМРО-ДПМНЕ

„Дали Бујар Османи го презеде лидерското место во ДУИ, а Али Ахмети се повлече?“, вели ВМРО-ДПМНЕ и додава:Дали станува збор за внатрепартиски договор, некаква транзиција или лична амбиција на Османи? Или можеби тој сега е само портпарол на партијата? Како и да е, треба да знае – а и сигурно знае – дека единствениот свет во кој треба да завршат корумпираните функционери на ДУИ е светот на правдата.Како во најмрачните времиња на српските кланови, денешната структура на Бујар Османи, прави се’ за да им нанесе штета на институциите, само за да не се обелодени нивното мрачно 20годишно досие. Дури и начинот на комуникација на ДУИ е сличен на озогласените „сурчински“ или „земунски“ кланови: со навреди и со закани, но всушност без никаква моќ да го сменат текот на правдата.Османи, поразениот министер кој беше симбол на молчењето пред сите скандали на ДУИ, денес повторно се обидува да влезе во политичката арена преку лажен патриотизам и заплашување на граѓаните.Наместо да одговори зошто за време на неговиот мандат се молчеше пред уцените од Бугарија, зошто се деградираше позицијата на државата на меѓународен план, и зошто ДУИ 20 години ја користеше власта исклучиво за лични и партиски цели, Османи се обидува да создаде нова поделба и тензија.Владата нема потреба да бара ничија дозвола за да ја води надворешната политика на Македонија. Тоа е уставна обврска и право, добиено директно од народот. Македонија е демократска држава, а не приватна територија на ДУИ која треба да се раскрчми - како во минатото.Доста е од политичари кои ја сведуваат државата на етничка апанажа.Сите сме еднакви граѓани на оваа држава.Доста е од лаги за „српски светови“, „големи Албании“ и други лаги со кои Османи и ДУИ ја одржуваа својата моќ.Ако Османи навистина сака да зборува за „прашање до Албанците“, нека им одговори на граѓаните:• Кој му го даде правото да го потпише Францускиот предлог без консензус?• Кој му го даде правото да молчи за криминалот во ДУИ?• Кој му го даде правото да ги дели Албанците на „вистински“ и „предавници“ според тоа дали го поддржуваат ДУИ?Секој што се чувствува Албанец, Македонец, Турчин, Србин, Влав, Бошњак или Ром има исти права и одговорности. Меѓутоа, никој нема право да ја приватизира надворешната политика, да ја дели државата и да ги лаже граѓаните.Тие што мислеа дека се вечни, нека се помират со реалноста: времето на ДУИ конечно заврши.

Македонија | пред 1 година

Османи кај семејството на Бектеши за Бајрам: Тој е неправедно обвинет и одвоен од блиските

Бујар Османи, потпреседател на ДУИ, објави фотографии од семејна средба со семејството на притворениот ексминистер за економија, Крешник Бектеши. Османи даде оценка, дека Бектеши е неправедно обвинет.„Среќен Бајрам, Крешник! Заедно со Валбона, Албина и Арбри, и со нашите семејства, за Бајрам кај родителите на Јулка, Хана и Трим Бектеши и Крешник. Еид ал Фитр е свет празник кој симболизира милост, заедница, поддршка, дарежливост и признание. Но, пред сè, Бајрам не потсетува на нашата издржливост во соочувањето со предизвиците на животот, учејќи не на трпение и зрелост. Денеска е вистинскиот ден да покажеме дека не само Крешник, туку и целото семејство Бектеши ја има нашата поддршка. Не само затоа што е вистински пријател, не само затоа што е дел од нашето семејство, туку затоа што е неправедно обвинет и сè уште неправедно одвоен од семејството. Храбриот е силен, храбар и пред се праведен човек - па да побрзаме и да почекаме пак во наша близина!“, напиша Османи.Бектеши е еден од осомничените во предметот за дискотеката „Пулс“ во која животот го загубија 59 лица. Според Обвинителството, Бектеши има вина поради тоа што дискотеката во изминатите години имала легална лиценца за работа, а не ги исполнувала условите.

Македонија | пред 1 година

Бујар Османи најави лоши периоди за Македонија, предизвикани од моноетнички состанувања

Бујар Османи од ДУИ, тврди дека доаѓаат лоши периоди за Македонија, а тоа го гледа од постапувањето на уставните судии. Тој рече дека ДУИ ќе се врати пред Уставен секогаш кога ќе има седница за Законот за јазици. Според него, се отвораат теми кои што сметале дека се затворени.„Пораката на тројцата судии кои не отидоа, беше доволен сигнал, за да седницата прекине веднаш. Ваквите состанувања на монотетнички состави, биле најава за лоши периоди во мултиетнички држави. Во име на албанскиот народ одбиваме секаква одлука која значи продолжување на процесот за укинување на Законот за јазици“, рече Османи.За него и ДУИ прифатливо е одбивање на сите иницијативи и затворање на прашањето.„Закажувањето на подготвителни седници е продолжување за укинување на Законот за јазици. Пораката е дека продолжуваме со стражата на јазикот, најавуваме дека кога и да се закаже седница, народот ќе биде тука. Ова не е само кауза за албанскиот јазик, туку за заштита на мултиетничка, европска Македонија“, додаде Османи.

Македонија | пред 1 година

„Изјавата на Курти е скандалозна и штетна“: Османи ја осуди изјавата на косовскиот премиер за албанскиот јазик во Македонија

Потпретседателот на ДУИ, Бујар Османи, ја осуди изјавата на косовскиот премиер Албин Курти за албанскиот јазик во Македонија, нарекувајќи ја „скандалозна“ и „штетна“.Ова е ставот на Османи кон оценката на премиерот на Косово, Албин Курти, дека не станува збор за загрозување на употребата на албанскиот јазик во Северна Македонија.„Не, не е загрозено“, одговори Курти, на прашањето за оваа загриженост.„Има закон кој ја споменува бројката од 20%, но тој не е закон за албански, туку за употреба на јазиците. Од друга страна, сметам дека сите таму треба да чекаме правична одлука на Уставниот суд, кој не прави ниту исклучоци, ниту дискриминација и кој таму ја почитува повеќејазичноста“, рече Курти.„Во Република Северна Македонија не може да се каже дека албанскиот бил официјален јазик и сега е загрозен“, додаде тој.Османи појасни дека Курти ја поткопува точката од Охридскиот договор која регулира употреба на албанскиот јазик во Македонија, која е постигната преку измена на Уставот во 2001 година.Според Османи, македонската страна сметала дека албанскиот јазик треба да биде официјален само во општините со над 20% Албанци, додека албанскиот јазик на сите нивоа е изедначен со македонскиот.Османи ја поврза изјавата на Курти со антиалбанската политика што, како што тврди, доминира во Македонија, и предупреди дека ова ја поткопува функционалноста на мултиетничката демократија во земјата.

Македонија | пред 1 година

Мицкоски спремен да ја придружува Вјоса Османи кога ќе лета преку скопскиот аеродром: Црвенееа ДУИ минатата година кога имало исти случаи?

Премиерот Христијан Мицкоски кажа дека се понудил следниот пат кога косовската претседателка Вјоса Османи ќе лета преку скопскиот аеродром, да ја придружува додека да го напушти. Тој ги праша ДУИ, дали се црвенееле и во 2023 година кога биле власт, а имало вакви инциденти, исто така со претседателката на Косово.„Тие се црвенеат од 2023 година, бидејќи два вакви случаи имало и тогаш, кога тие биле дел од Владата. Разликата е што тогаш немаше јавност, сега има јавност. Оваа Влада е демократска. И затоа јас лично, кажав на состанокот и тука, а поврзано со соопштението на МНР, жалиме што се случил овој настан“, рече Мицкоски.Прашан какви инциденти имало со Османи минатата година, Мицкоски рече: „Тие ќе бидат дел од истрагата и нема да можам да давам детални информации за тие случувања. Кога ќе биде завршниот извештај, претпоставувам МВР и официјално ќе се обрати до јавноста“.

Македонија | пред 1 година

Курти не смета дека е провокација инцидентот со Османи: Не треба да има тензии

Косовскиот премиер, Албин Курти, не знае дека како институции на државата имале став дека инцидентот на аеродромот со претседателката Вјоса Османи е провокација од Македонија. Тој верува дека случајот ќе се расветли, а не треба да предизвикува тензии.„Несомнено претседателката на Косово, имаше тешка ситуација на 2-ри август на скопскиот аеродром, а од друга страна беше со семејството и двете мали ќерки. Органите на Северна Македонија, државниците, изразија жалење за случајот и ќе има официјален извештај кој ќе го расветли случајот во детаљи за да разбереме што точно се случило и да не се повторат вакви ситуации“, рече Курти.Тој посочи дека Владата не може да се полиција и инспекторати, туку за тоа има соодветни институции.

Македонија | пред 1 година

Експретеседателот на Косово за Вјоса: Нема имунитет за избегнување на контрола! Наивно е да се каже дека преку рендген се клонира телефон!

Претседателот на Алијансата за Ново Косово, поранешен косовски претседател и еден од најбогатите Албанци во светот, Беџет Пацоли, објави дека првиот човек на Одделот за безбедност на патници при Меѓународната асоцијација за воздушен транспорт (ИАТА) од Торонто, со кого патувал за Италија, потврдил дека не „постои тип на имунитет што може да го оправда избегнувањето на контролата на секој патник кој лета со авион”.Оваа негова реакција следува по случката со претседателката на Косово, Вјоса Османи, на скопскиот аеродром.„Стана збор за настанот во Скопје. Бев на кусо патување за Италија со кој ми потврди (она што веќе го знаев) дека не постои тип на имунитет што може да го оправда избегнувањето на проверка на кој било патник што лета во авион, особено на јавен авион каде што безбедноста на другите патници е доведена во прашање. Во случај некој патник да одбие да биде проверен од службата за безбедност, таа, меѓу другото, го известува пилотот на соодветниот авион и пилотот автоматски одлучува авионот да не полета“, напиша Пацоли во објава на Фејсбук, пренесе Лајм.Понатаму, Пацоли наведува дека не постои инстанца која може да му нареди на пилотот да го стартува авионот, доколку е информиран дека во авионот може да има неконтролиран патник.„Ова се случило на скопскиот аеродром, каде пилотот одбил да го започне патувањето со патници кои не биле подложени на безбедносна проверка и поради тоа било предизвикано одложување на полетувањето на авионот со многу патници внатре. Што се однесува до клонирањето телефони, наивно е да се каже дека телефонот може да се клонира додека поминува низ рендген апаратот“, напиша Пацоли на Фејсбук.

Коментари | пред 1 година

Османи набрзинка ја скапува Ејупи: Несудената конзулка добива итен дипломатски пасош, за да помага во Бон

Несудената конзулка, а поранешна ТВ презентерка, Бесмира Ејупи, заминува на испомош во Бон, Германија, веќе во вторник. За издавање на дипломатски пасош потребни се најмалку 15 дена, но, не и сега. Таа треба да го добие во најкус можен период, за во вторник да биде на своето ново работно место. Министерот за надворешни работи во заминување, во „последна секунда“ и ги спакува куферите на Ејупи.Ејупи ќе работи на издавање на пасоши, ако се следи одговорот на МНР. Оттаму посочуваат дека има наплив на иселеници кои бараат патни исправи, а Ејупи ќе го средува хаосот. Помошен персонал како Ејупи е потребен оти е сезона на годишни одмори, па нема кој да работи.Претходно, имаше обид на Османи, истата Ејупи да биде назначена за конзул во Њујорк. По купот реакции, меѓудругото и дека нема дипломатско искуство, Османи ја отповика дадената насока.

Македонија | пред 1 година

Османи со директен повик на насилство, на делување надвор од Уставот, треба кривично да одговара, вели Најчевска

Кривична одговорност побара професорката по право, Мирјана Најчевска за министерот за надворешни работи, Бујар Османи. Според неа, тој врши насилство со изјавата: „Влада без принципот „победник со победник“ нема да има“, принцип кој токму ДУИ го наруши во 2017 година.„За ваква изјава Османи треба кривично да одговара. За обид за насилно рушење на уставниот поредок на државата. Ова е директен повик на насилство, на делување надвор од Уставот и законите. Насилниците мора да бидат отстранети од Собранието. За да почнеме да градиме демократска држава која се базира на правото“, напиша Најчевска.Отвореното одбивање на Христијан Мицкоски да совладее со ДУИ во следниот мандат ја натера оваа партија да ја заостри реториката кон него. Според партијата на Ахмети, тоа нема да се случи и ќе се почитува волјата на народот.

Коментари | пред 2 години

На Османи му пречи што се зборува за коалиција на ВМРО-ДПМНЕ и албанската опозиција: Нема поголемо омаловажување

Кандидатот на ДУИ за претседател, Бујар Османи, кој не успеа да се пласира во вториот круг, е навреден оти се зборува за коалиции по изборите помеѓу ВМРО-ДПМНЕ и албанската опозоција. Тој кажа дека тоа носи мобилизација, а истото е понижување на другите етникуми односно Албанците.„Во следните денови секој што ќе зборува за коалиции, вршат најголемо понижување на граѓаните. Луѓето треба да ја изразат нивната волја, ние не се занимаваме со Владата. Ние понудивме и оставка за уставните измени, а камо ли за волјата на граѓаните. Тоа е прво и последно и треба да се почитува од сите. Затоа мислам дека нема поголемо омаловажување, од тоа денес, девет дена пред изборите да зборувате кој со кого ќе коалицира“, посочи Османи.

Македонија | пред 2 години

Овие избори не се обични избори, рече Османи

Кандидатот за претседател Бујар Османи при неговото гласање, кажа дека очекува изборите да бидат слободни, фер и демократски.„Овие избори не се обични избори, туку се одлучувачки избори по однос на иднината на државата. Граѓаните се исправени пред две опции - изолација или интеграција, очекувам да ја донесат правата одлука“, кажа Османи.

Македонија | пред 2 години

Османи се најави како победник уште на првиот ден од кампањата за претседател

Бујар Османи, како претседателски кандидат, смета дека трката е негова важна мисија. Тој смета дека предводи победнички караван.„Доаѓам од НАТО, на денот од основањето на НАТО и членството на Северна Македнија во НАТО. Јас почнувам од НАТО, се надевам дека ќе ја завршам мисијата во ЕУ како претседател. Овие избори се народен референдум кој ќе ја определи иднината на оваа држава. Имајќи ја можноста од граѓаните да бидат дел од најважните интегративни процеси, сметам дека ги имам контактите, имам посветеност, за да го остварам сонот на секој граѓанин за европска иднина“, додаде Османи.Тој кажа дека е поддржан од девет партии. Кампањата ќе биде осврната на делот Македонија да стане членка на ЕУ.„Го почнуваме победничкиот караван, слушајќи ги барањата на граѓанините“, додаде Османи.Ќе раскажува и како во наредните пет години, Македонија ќе стане членка во ЕУ.

Македонија | пред 2 години

Има начин да се убедат сите земји да нѐ пуштаат со пасоши без „северна“, но Османи нема таква намера

Без конкретен одговор остана прашањето - дали секоја земја сама си одлучува околу прашањето дали ќе пропушти граѓани на Македонија со важечки пасош без „северна“. Министерот за надворешни работи, Бујар Османи, прашан за коментар, како секаде Македонците можат да одат со пасош без „северна“, ама не можат да излезат од Македонија, тој топката ја префрли кај МВР.„Тие закони се донесени од МВР дека на 12 февруари 2024 година, пасошите со старото име, стануваат невалидни. Тоа било во функција на имплементација на Уставот“, рече Османи.И самиот посочува дека постои начин да се убедат земјите да нѐ пуштаат со старите пасоши, но сепак, смета дека тоа не треба да се прави.„Црна Гора имаше одлука да не ги признае, ама се видов со амбасадорот, па се договоривме Црна Гора да го следи примериот на другите земји од ЕУ. Црна Гора веќе нѐ извести дека ќе ги признаат, односно прифаќаат валидните пасоши. Швајцарија исто така донесе одлука. МНР не треба да се води по тоа да најде алиби, односно решение, за да се одложи примената. Дајте да се фокусираме на подобра организација за повеќе пасоши за граѓаните“.

Македонија | пред 2 години

Резулуцијата на САД е само охрабрување за Македонија и земјите членки на ЕУ, Османи очекува Македонија да влезе во семејството до 2030 година

Резолуција на САД со која го поддржа пристапувањето на Македонија во ЕУ е само охрабрување за Македонија, но и порака до ЕУ. Ова е ставот на министерот за надворешни работи, Бујар Османи, кој очекува членство на земјава во европското семејство до 2030 година. Посочува дека очекува и преговорите да одат со забрзано темпо.„Ова ќе биде охрабрување за нас. Преговарачката рамка ги брани нашите позиции и не дозволува историски и идентитски прашања да бидат причина за отворање и затворање на поглавја. Очекувам по изборите да се забрза процесот и до 2030 година, Македонија да биде членка во ЕУ. Резулуцијата е уште една поддршка на процесот. Ќе помогне во охрабрување на земјите членки, порака е до политичките партии во Македнија кои заговараат дека има алтернатива во ЕУ. Процедурите се утврдени, тие се во наш интерес“, рече Османи.Тој очекува резулуцијата да влијае и врз политичарите кои заговараат излагање од НАТО и алтернатива за ЕУ.Американските сенатори Питер Велч, Џин Шахин, Пит Рикетс и Том Тилис предложија Резолуција со која САД даваат поддршка за пристапување на Република Северна Македонија во Европската Унија.Сенаторите ја истакнале силата на трансатлантските односи меѓу САД, Република Северна Македонија и Европа. Во резолуцијата, како што пренесува Гласот на Америка на македонски јазик, Сенатот ги повика претседателот и државниот секретар на САД, како и европските сојузници, да се залагаат за отворање на првиот преговарачки кластер на ЕУ со Северна Македонија, без дополнителни билатерални услови.

Македонија | пред 2 години