Поранешниот министер за надворешни работи Бујар Османи оцени дека јавните информации и тврдења според кои вицепремиерот Иван Стоилковиќ наводно бил соработник на српските разузнавачки служби отвораат сериозни безбедносни прашања за Македонија како членка на НАТО.
„Доколку овие тврдења се покажат како точни, тоа би значело дека информации и внатрешни процеси на една НАТО влада можеле да бидат изложени на држава која не е членка на НАТО, а која одржува изразена блискост со Русија“, напиша Османи.
Тој оцени дека станува збор за прашање кое директно ги засега националната безбедност, институционалниот интегритет и довербата во рамки на евроатлантската алијанса.
„Овие тврдења бараат итно, транспарентно и професионално разјаснување од надлежните институции“, порача Османи.
