Саудиска Арабија го обнови производството: Клучниот нафтовод повторно во функција

Министерството за енергетика на Саудиска Арабија соопшти дека е обновена работата на две клучни енергетски постројки, по неодамнешните напади врз нафтениот и гасниот сектор во земјата.

— реклама —

Според официјалните информации, повторно е воспоставен полниот капацитет на нафтоводот Исток-Запад, кој достигнува околу седум милиони барели дневно. Истовремено, обновено е и производството на нафтното поле Манифа, со капацитет од приближно 300.000 барели дневно.

— реклама —

Властите информираат дека паралелно се работи и на целосна обнова на постројките во Кураис, од каде се очекува дополнително зголемување на производството за уште 300.000 барели дневно.

— реклама —

Потсетување дека Ријад на 9 април донесе одлука за привремена обустава на дел од енергетските капацитети, откако беа извршени напади врз нафтени, гасни и електроенергетски објекти во главниот град Ријад, источната провинција и индустрискиот град Јанбу.

Со обновувањето на производството, Саудиска Арабија испраќа сигнал за стабилизација на енергетскиот сектор, во момент кога глобалните пазари се чувствителни на секое нарушување во снабдувањето со нафта.