Од СДСМ денеска порачаа дека 27 април останува „најтежок потсетник“ за опасностите од политичко насилство и недемократско однесување, оценувајќи дека станува збор за ден кој не смее да се заборави и кој треба да служи како опомена.
Од партијата во нивната објава на социјалните мрежи наведуваат дека и по девет години постојат, како што велат, обиди за релативизирање на настаните и загриженост за состојбата со демократијата и институциите, вклучително и судството и медиумската слобода.
Во реакцијата се нагласува дека 27 април не претставува само историски датум, туку и политичка опомена за потребата од заштита на демократските процеси и институционалниот поредок.
