СДСМ: „Дизелот поскапува за 6 денари, граѓаните повторно плаќаат за неспособноста на власта“

СДСМ реагира дека од утре дизелот ќе поскапи за шест денари и ќе достигне 101 денар за литар, оценувајќи дека тоа ќе биде дополнителен удар врз семејните буџети.

— реклама —

Од опозициската партија велат дека повисоката цена на дизелот ќе ги зголеми и трошоците за транспорт и производство, што, според нив, ќе се одрази и врз цените на храната.

СДСМ посочува дека трошоците за живот веќе се високи и оти потрошувачката кошничка со вклучена кирија достигнала речиси 90.000 денари, додека платите стагнираат. Партијата оценува и дека инфлацијата од 2,6 отсто не значи поевтин живот за граѓаните, бидејќи, како што велат, цените што еднаш се зголемиле не се вратиле на претходното ниво.

— реклама —

„За само две години општото ниво на цените е зголемено за 7 отсто. Куповната моќ на граѓаните е трајно намалена“, велат од СДСМ.

— реклама —

Од партијата ја обвинуваат Владата дека не презема соодветни мерки за ублажување на последиците од поскапувањата и дека истовремено го зголемува јавниот долг.

„На граѓаните не им требаат статистиките и проценти од Мицкоски. Нивната статистика е празниот фрижидер и паричник“, наведуваат од СДСМ.

Опозициската партија тврди дека за две години е создаден нов долг од околу четири милијарди евра и оти јавниот долг се приближува до 12 милијарди евра, односно над 65 отсто од БДП.