СДСМ: Изборите не се за бисквити и гурабии, туку за иднината, заканувачките пораки се враќање назад 20 години

,,Претстојните избори се клучни за иднината на државата и на граѓаните.

Овие избори не се за бисквити и гурабии, туку за иднината.

— реклама —

Заканувачките тонови и пораки се враќање назад 20 години.

СДСМ гради едно општество за сите граѓани, со еднакви права, можности, но и одговорности.

Правата на сите заедници, вклучително и на албанската заедница во државата се запишани во Уставот и никој не може да ги одземе.

— реклама —

Надежите дека некое незадоволство може да се претвори во насилство се залудни.

Никој здраворазумен, нема да го дозволи тоа.

— реклама —

Меѓунационалното единство е сѐ уште кревко. Не може да се дозволи кој било да си игра со него.

Мнозинството граѓани се за европска иднина, не сакаат враќање назад 20 години или којзнае каде.

Блокадите на европскиот пат од страна на ДПМНЕ, не се без последици. Секоја блокада на европската иднина не е само стагнација, тоа е и враќање назад.

— реклама —

Овие избори се глас ЗА или ПРОТИВ европската иднина!

Граѓаните ќе изберат европска иднина со СДСМ, наместо враќање назад кон минатото со ДПМНЕ.", изјавија од СДСМ.