СДСМ: Кога Мицкоски вели „нема поскапување“ - граѓаните се плашат

СДСМ преку соопштение обвини дека изјавите на премиерот Христијан Мицкоски дека нема да има поскапување на електричната енергија не влеваат доверба кај граѓаните, туку предизвикуваат страв од нов раст на цените.

— реклама —

Од партијата велат дека и претходно, кога Мицкоски најавувал мерки за стабилизација и тврдел дека нема да има поскапувања, цените на горивата се зголемувале.

— реклама —

„Сега ја повторува истата формула со струјата. Во регионот веќе има проблеми – историски низок водостој на Дунав, намалено производство и повисоки цени на берзите. Македонија увезува струја, а кога соседите имаат криза, ние плаќаме“, наведуваат од СДСМ.

Партијата потсетува и дека цената на парното греење веќе е зголемена, иако грејната сезона сè уште не е започната.

— реклама —

„Кога Мицкоски вели ‘нема поскапување’, тоа за граѓаните веќе не е ветување. Тоа е предупредување“, се наведува во соопштението.

Во соопштението, СДСМ упатува и критики кон премиерот, споменувајќи ги, како што велат, бизнисите со хидроцентрали, увозот на електрична енергија и неговиот животен стил.