СДСМ: „Мицкоски е уплашен од незадоволство на лозарите – во полиција повикан советник на СДСМ за објава на Фејсбук“

СДСМ преку соопштение обвини дека врз нивен советник од Кавадарци се врши притисок откако тој бил повикан на информативен разговор во полициска станица поради објава на „Фејсбук“ поврзана со проблемите на лозарите.

— реклама —

Од партијата велат дека советникот Вуко Мелов бил повикан на разговор по објава на страницата „Мое Кавадарци“, во која, според СДСМ, биле посочени проблемите со откупот на грозјето и бил најавен можен протест на лозарите.

— реклама —

„Ете колку е голем стравот на Мицкоски од незадоволството на граѓаните, од незадоволството на лозарите“, наведуваат од СДСМ, оценувајќи го повикувањето во полиција како „класичен притисок, обид за заплашување и замолчување“.

Од партијата ја обвинија Владата дека, наместо да ги решава проблемите на лозарите, врши притисок врз политички неистомисленици. Во соопштението СДСМ прави паралела и со состојбите во Србија под власта на Александар Вучиќ.

— реклама —

„Христијан Мицкоски е уплашен од вистината, од незадоволството на лозарите“, стои во партиското соопштение.

— реклама —

СДСМ порача дека нема да се откаже од јавното говорење за проблемите на граѓаните и најави дека, како што велат од партијата, сите што вршат притисок или се обидуваат да замолчат и заплашат некого ќе одговараат.