СДСМ: Мицкоски и на Илинден ја дели Македонија - сите што не мислат како него ги нарекува „талог“

СДСМ преку соопштение реагираше на илинденскиот говор на премиерот Христијан Мицкоски, обвинувајќи го дека и на најголемиот државен празник испратил пораки што, според партијата, ги продлабочуваат поделбите во општеството.

— реклама —

Од СДСМ велат дека Мицкоски во својот говор повикал на борба против „омразата, цинизмот и талогот што ја трујат Македонија“, оценувајќи дека со таквата реторика ги етикетира сите кои не се согласуваат со неговите политики.

— реклама —

„Кој е тој ‘талог’ според Мицкоски? Сите што не мислат како него. Сите што ја разобличуваат неговата политика. Сите што бараат Европа, правда и одговорност“, наведуваат од партијата.

Според СДСМ, премиерот и претходно користел, како што велат, навредлив речник кон граѓаните, а истиот пристап го повторил и во говорот по повод Илинден.

— реклама —

„На денот кога треба да се слави државноста и единството, Мицкоски повторно сее поделба. На денот кога треба да се зборува за иднината, тој повторно напаѓа. Ова не е патриотизам, туку политичка омраза облечена во празничен говор“, се наведува во реакцијата.

— реклама —

Од СДСМ додаваат дека Мицкоски не може да биде премиер на сите граѓани сè додека, според нив, народот го третира како „талог“.