СДСМ: Мицкоски најави намалување на акцизите, а горивата повторно поскапуваат

СДСМ ја обвини Владата дека доцни со економските мерки, откако премиерот Христијан Мицкоски најави можност за намалување на акцизите поради растот на цената на нафтата, а во меѓувреме се очекува ново поскапување на горивата.

Од опозициската партија оценуваат дека најавите за намалување на акцизите доаѓаат предоцна и нема да ги ублажат последиците од растот на цените.

— реклама —

„Христијан Мицкоски вчера најави намалување на акцизите поради растот на цената на нафтата. Веќе денеска се очекува ново поскапување на горивата. Ова е уште еден доказ за реактивната и неуспешна економска политика на ВМРО-ОКГ“, се наведува во соопштението на СДСМ.

— реклама —

Според партијата, Владата постојано реагира откако цените веќе се зголемиле.

„Мицкоски и неговата влада постојано доцнат со мерките. Кога цените веќе скокнаа до плафон, тогаш излегуваат со најави за намалување на акцизи. Но, и тоа доаѓа предоцна“, наведуваат од СДСМ.

— реклама —

Од опозициската партија тврдат дека нивните предлози за навремени и системски мерки не биле прифатени и дека граѓаните се соочуваат со постојан раст на цените на горивата, храната и другите основни производи.

— реклама —

„Наместо превентивни мерки и заштита на стандардот на граѓаните, добиваме доцни реакции и празни најави кои не ја решаваат кризата“, стои во реакцијата.

СДСМ оценува дека економските политики на Владата не даваат резултати и дека граѓаните, според нив, ги чувствуваат последиците преку континуираното поскапување на животните трошоци.