СДСМ: Мицкоски повторно ветува „наскоро ќе се знае“ - додека во Гостивар се шири сериозна здравствена криза

Опозициската СДСМ реагираше на изјавата на премиерот Христијан Мицкоски дека „наскоро ќе се знае кој наредил што се случило во Гостивар“ и дека ќе има одговорност, оценувајќи дека станува збор за уште едно, како што велат, празно ветување.

— реклама —

Од партијата тврдат дека Мицкоски и претходно најавувал дека јавноста „наскоро ќе дознае“ информации поврзани со повеќе случаи, но, според нив, без конкретен епилог.

— реклама —

Во соопштението СДСМ ги отфрла обвинувањата дека има одговорност за состојбата во Гостивар, посочувајќи дека партијата никогаш не била на власт во таа општина.

— реклама —

Партијата наведува и дека состојбата во Гостивар е сериозна, повикувајќи се на податоци од болницата, според кои во последните 24 часа биле примени 260 пациенти, од кои 100 на Детското одделение и 160 на Инфективното одделение. Според СДСМ, во моментот на Детското одделение биле хоспитализирани седум пациенти, а на Инфективното 20, додека првите случаи биле регистрирани на 13 јули.

Од СДСМ оценуваат дека Владата, наместо да преземе одговорност, ја префрла вината на опозицијата и додаваат дека граѓаните очекуваат конкретни резултати, а не нови најави.